月巴事宜（1）

次數唔多
但過去總被問過一條問題
「你係咪好鍾意寫嘢？」
嗱老實
我肯定鍾意食放題多過寫嘢

我從不會/不敢答自己鍾意寫嘢
不論是五百字五千字抑或五萬字
每次開波前我都必然緊張到瀨屎
我永遠不知道
那最後一句
是否真的匹配作為最後一句
而寫完一刻
是真的會感到疲累
因為寫嘢同搬嘢同樣甘
（我的確做過倉務）

最驚那些話自己好鍾意寫嘢
但寫堆垃圾出來獻世的人
也驚那些話俾機會你寫
但稿費就冇你當攞經驗囉笨的人

只能說
我尊重寫嘢
我尊重我寫的嘢
而因為尊重
其實我好驚寫嘢