可悲之假想未來劇場（1）

8年後我唔知點解地應邀到某大學做客席講師，教電影賞析。
基於我不屑兼不識任何電影理論，上堂時完全不涉理論，但我為人幽默佻皮，跟同學相處尙算OK。
直至一堂有條粉皮問：「人人評電影都係理論先行，你憑乜教我？」
我只道：「你老母生你時你又帶住乜嘢理論嚟？先理解你的存在，才去空談甚麼理論吧。」
這番其實頗型的說話，卻被呢條不甘被寸的粉皮用「詮釋學」過度詮釋，將「你老母」三字，詮釋為是我對其mother的侮辱，結果，軍裝PTU重案組飛虎隊齊齊介入，控告我犯刑事。後來打甩咗，律政司唔服，再告；再打甩，律政司又再唔服，又再告……
我死鬼咗去算了。
粉皮和律政司開心得即刻BBQ再跳起Yeah。