好有可能係我最後一部睇的宮部美幸

從來唔沉迷宮部美幸。
因為寫嘢太撚煩。
往往在書裡塞入大量同事件本身冇乜關係的資訊和人物，令你睇落覺得架構好撚宏大，其實只係阻住你去閱讀。
當然，性格決定命運，也決定你鍾意睇邊個作家，我不喜歡宮部美幸，不代表你要跟住厭棄佢，或者，你甚至會鍾意都未定。
過去看過的宮部美幸作品只有《模倣犯》和《獵捕史奈克》（同樣捱得好痛苦），以致這本《無止境的殺人》，明明買咗好耐，但攤到結冰都唔願睇。
結果，某一日，心血來潮，一嘢睇完。
我都覺得奇，宮部美幸竟然寫得出節奏咁明快的小說。
故事由好多個獨立故事組成，而故事又有關，同時指涉著一單姦夫淫夫謀財害命案，而敘事角度是竟然是安排在一個個銀包身上，睇落又唔覺夾硬。
只是，宮部美幸再次在故事後半，把焦點拉到去媒體，而我又總覺得她筆下的媒體有點TVB，有點肥皂劇，有點理所當然……
所以，前半比後半好，但拉番勻，都好值得睇。
但好有可能，呢本會係我最後一本睇的宮部美幸。